नेविसंघ पद्मकन्या ईकाइले मनायो राष्ट्रिय एकता तथा मेलमिलाप दिवस

राजनीति

गृहपृष्ठ
राजनीति
नेविसंघ पद्मकन्या ईकाइले मनायो राष्ट्रिय एकता तथा मेलमिलाप दिवस

नेविसंघ पद्मकन्या ईकाइले मनायो राष्ट्रिय एकता तथा मेलमिलाप दिवस

मंगलबार, पुस १६, २०८१ Shree Sansar

काठमाडौं - नेपाल विद्यार्थी संघ पद्मकन्या बहुमुखी क्याम्पस ईकाइले दिप प्रज्वलन गरी राष्ट्रिय एकता तथा मेलमिलाप दिवस मनाएको छ।

पार्टीका संस्थापक नेता बीपी कोइराला, गणेशमान सिंहलगायतका नेताहरु लामो निर्वासन अन्त्य गरी भारतबाट स्वदेश फर्किएको आजको दिनलाई हरेक वर्ष ‘राष्ट्रिय एकता तथा मेलमिलाप दिवस’का रुपमा मनाउँदै आइएकोमा क्याम्पसमा पनि कार्यक्रमको आयोजना गरी दिवस मनाइएको नेपाल विद्यार्थी संघ पद्मकन्या बहुमुखी क्याम्पसकी ईकाइ सभापति पुर्णिमा परियारले बताउनुभयो ।

दिप प्रज्वलन कार्यक्रममा नेपाली कांग्रेस केन्द्रीय सदस्य लक्ष्मी खतिवडा , नेपाल महिला संघकी केन्द्रीय सभापति उषा राउतसहित विद्यार्थी नेताको सहभागिता रहेको थियो ।

२०१७ साल पुस १ गते तत्कालीन राजा महेन्द्रले ‘कू’ गर्दै शासन आफ्नो हातमा लिएपछि कांग्रेस संस्थापक एवम् तत्कालीन प्रधानमन्त्री वीपी कोइरालालगायतलाई जेल हालियो । महेन्द्रले बहुदलीय प्रजातान्त्रिक व्यवस्था विघटन गरी राजनीतिक दलमाथि प्रतिबन्धमात्र लगाएनन् नेताहरुमाथि देशद्रोहको मुद्दासमेत लगाए ।
तर, २०२५ कात्तिक १४ गते वीपी कोइरालालगायतका नेताहरु जेलमुक्त भए । त्यसपछि उनीहरु भारतमा निर्वासन जीवन बिताउन थाले ।

त्यसको ८ वर्षपछि अर्थात् २०३३ साल पुस १६ गते वीपी कोइराला, गणेशमान सिंह, शैलजा आचार्य, खुमबहादुर खड्कालगायतका नेताहरु आफूहरुमाथि लगाइएको मृत्युदण्डको मुद्दाको बेवास्ता गर्दै राष्ट्रियता जोगाउन राजसंस्था र सबै राजनीतिक दलहरु मिलेर अघि बढ्नुपर्ने नीति अंगाल्दै स्वदेश फर्किएपछि ‘राष्ट्रिय एकता तथा मेलमिलाप दिवस’का रुपमा मनाउँदै आइएको छ ।

प्रकाशित मिति: मंगलबार, पुस १६, २०८१ २०:११

प्रतिक्रिया दिनुहोस्